'/%3E%3C/svg%3E){kind=small}
Serdana Delegasyona Jinên Slovenyayê ji Jin TV re
Delegasyona Jinên Slovenyayê di 30ê Mijdara 2024an de serdana Jin TV kir û di derbarê rojnamegeriya jinên Kurd de agahî stand.
Delegasyona Jinên Slovenyayê ya ji 14 kesan pêk tê, serdana Jin TV kir. Di vê serdanê de, ku ji bo dîtina xebatên Jin TV û nasîna rojnamegeran hatibû lidarxistin, semîner û hevpeyvîn hatin kirin.
Di semînara ku ji aliyê rojnamegeran Devrim Arslan û Aysel Avesta ve hat dayîn de, endamên delegasyonê di derbarê rojnamegeriya jinên Kurd û xebatên ku tên kirin de agahdar kirin.
Delegasyonê ji bo ku di weşanên xwe de parve bike, di derbarê xebatên rojnamegerên Jin TV û zehmetiyên ku ew di qada çapemeniyê de dijîn de jî hevpeyvînan kir.
Endamên delegasyonê di bernameya Nêrîna Azad a ku ji aliyê Aysel Avesta ve tê pêşkêşkirin de jî beşdar bûn û armanca serdana xwe anîn ziman.
